"المرخان" يخصّ "سبق" بقصيدة رثاء للملك عبدالله

مهنا التميمي- سبق- الجوف: خصّ شاعر الجوف، عبدالرحمن بن دابس المرخان، صحيفة "سبق" بقصيدة رثاء للملك عبدالله.

 

وامتدح الشاعر أعمال الملك الراحل الجليلة، ووصف الملك سلمان بن عبدالعزيز بأنه مستشار الملوك.

 

وفيما يلي نصّ القصيدة:

من كان يعبد (محمد)..لا يصلي الصلاه

 

واللي يصلي.. لربه.. ربنا ما يمووت!

 

سبحان من هو خلق بالكون موت وحياه

 

سبحان من هو جميع الخلق عنده سكوت

 

قبل امس ابو متعب العاهل وحي (ن) نباه

 

واليوم سلمان قايد لابسين البشووت

 

عساه يملك قلوب الناس ويجزل عطاه

 

وشعبه وفي يستحق اغلى العطا والكروت

 

الشعب يستاهل التكريم بين وفاه

 

وسلمان عز العرب يستاهل اغلى البيووت

 

سلمان من (مدرسة عبدالعزيز) ودهاه

 

زميل ابو متعب بصف الدهاء والقنووت

 

سلمان ما هو على الساحة جديد تراه

 

هو مستشار الملوك أهل الثناء والنعوت

 

سلمان مبطي ترى رجم المعالي رقاه

 

من صلب ابوه الملك ما هوب من بطن حوت

 

جوله يعزون عبر البر.. وعبر الفضاه

 

واهل السفن والبوارج والرمك واليخوت

 

باراك أوباما حضر عنده.. يقدم عزاه

 

سلمان حرك زعامات الدول بالريموت

 

دوله تقيم الفروض الخمس وتحيي الزكاه

 

لا تخاف والله عليها من ضياع وشتوت

 

دوله ثراها يكبر له وتخشع سماه

 

عاشت بعزة قبل عصر اكتشاف الزيوت

 

دولة هل الدين سيماهم علت بالجباه

 

قبلة جميع الأمم ما هي بلعبة بلوت

 

دولة بها رجال طالت فوق ظلع السراه

 

ما هي بحال الخطوب اللي تمر وتفوت

 

يا رب ترحم ابو متعب وترفع ثناه

 

مات الجسد والفعايل باقية ما تموت

 

ما اني بناسيه يومه يرتكي في عصاه

 

يشر بها صوب توسعة الحرم في سمووت

 

كلما تشيب الرياض ترد وترجع فتاه

 

لله در الرياض الشامخة في ثبوووت