شاركت 25 شاعرة سعودية من مجموعة "سحر البيان" في كتابة أبيات شعرية، تدعم بالفخر تدريبات رعد الشمال التي أُقيمت مؤخرًا في حفر الباطن، برعاية خادم الحرمين الشريفين الملك سلمان بن عبدالعزيز، ومشاركة 22 دولة، وذلك في التدريبات التي اختُتمت بنجاح أدهش العالم.
نحشد جيوش العز في كل ميدان
لجل انتصار الدين وابليس ملعون
بعيال "زايد" صف وعيال "سلمان"
صرنا جبل راسي مثل ما تشوفون
فتاة تهامة
____________
تكاتفوا بالحق يوم اللقا حان
وخلوه يمشي فاقد العقل مجنون
نعم/ ن بهم نعمين طلقين الإيمان
عز الخليج وعز من صاح مغبون
سراب الويلان
____________
حريبنا في ساحة الحرب خسران
الله نصرنا والنصر صار مضمون
وأكبر دليل اللي غزا حد نجران
روح مثل روحة غرق قوم فرعون
الريم
____________
وقت الوغى ضد العدو صف، وإخوان
ناقف لأجل نصرة ضعيف ومحزون
حتى الحديد إن شاف قواتنا لان
نصبح علاج أحيان وأحيان طاعون
متعبة الشهري
____________
من هو تحدى قادته عاش ندمان
ما تنفعه داعش ولو عاش قارون
يقضي حياته مقترف كل عدوان
ما له هدف ما له مبادي ولا عون
مريم العتيبي
___________
وأفعالهم ترجح على كل ميزان
وعدوهم في ساحة الحرب مطعون
مداتهم مثل المطر يسق الأوطان
وأقوالهم قانون من غير قانون
فيض السحابة
____________
يا دارنا يا تاج لكل الأوطان
طوعتي الكايد وجالك على الهون
للحرب حرابه وفي السلم لك شان
تبقين ورجالك عن أرضك يذودون
عبرة شعر
____________
الله معانا والخصم معه شيطان
حربه خسارة ما بها شك وظنون
ما بيننا شخص ضعيف وخوان
الله جمعنا للوطن درع وحصون
الثريا
____________
الروس خافت وارتعد قلب طهران
وأعداؤنا منا طبيعي يخافون
حنا تحالفنا على هدم الأوثان
واللي يعادينا مدمر ومطحون
ضي الفكر
____________
رعد الشمال اللي تكاشف بالامزان
عساه يروي ضامي القاع بمزون
ويجر سيله من تردى ومن خان
ويقشع جذور الكفر من ساس واركون
بروق السراة
____________
وتلبس بلاد الخير من كل بستان
ويزين فيها الشعر ياللي تغنون
هذا الوطن! غالي ويشرى بالثمان
ما نرخصه بالسوم! ياللي تسومون
بروق بدوية
____________
حنا هل. الوقفات من طول الأزمان
يشهد لنا التاريخ.. والكل يدرون
اجنودنا دون الوطن درع وأعوان
بأعمارهم في ساحة الحرب يوفون
صمت المشاعر الوايلية
____________
حماية الهية على القب فرسان
يا ويل منهو فالملاقى يعادون
لو إنها بالرمح والسيف شامان
عدوهم ميت وبالحال مدفون
مها الجهني
____________
جنودنا تبقى سلايل كحيلان
في كل غارة يوقفون ويصفون
لو شافوا الموت المحتم ولو كان
ما عرضوه ظهورهم لو يموتون
المها الحارثية
____________
أرض الجزيرة نجمها فوقهم بان
شامخ وطنا وشعبنا حيل ممنون
وجنودنا في ساعة الحرب شجعان
وعدونا نسقيه الموت بالهون
شيهانة الجبلين
____________
يحق لنا نفرح نغرد بالألحان
ونباري الشعار اللي يبارون يوم
الأعادي بين مطرق وسندان
واحنا نشب النار نرقص على لحون
النادية
____________
يا مرحبا والصوت دااان على دااان
غنت لحون الشوق والحب مرهون
الطيب يفخر والوطن صار بستان
والخير يمطر في سما الود والكون
نورة الجعيثن
____________
يوم اقبلت بالجو من كل الأركان
ظن العدا سهل علينا يكيلون
يوم ابرقت بالحد والحد مليان
حسوا شمال الرعد وشلون بيكون
مشاعل المشعان
____________
حنا ليا خضنا الوغى جمع فرسان
دستورنا القران والشرع قانون
وجيوشنا لا ثار للحرب دخان
يسعون للموت الحمر ما يبالون
شواهق نجد
____________
حنا دعاة السلم في سر وإعلان
موحدين الصف والأمر موزون
فينا الولا والحب من قلب ولسان
وحـسادنا مـا فرقـونا ويـبطون
مريم الزهراني
____________
تزيني يا دارنا والفعل زان
وتوشحي ثوب من العز به لون
دقوا نفير الحرب والنصر برهان
أنتم على غالي ظنانا تمونون
ظلال الوايلية
____________
قدنا العرب بالسلم من غير عدوان
ونقودهم بالحرب معنا ويمشون
ما همنا إيران واتباع إيران
واللي على نهجه بالأحقاد يسعون
أم الفهد العتيبية
____________
إثارة الهيجا على العز تكفون
خله يسلم بالوطن كل شيطان
ترى التضامن عز وانتم تعرفون
لا يخترق لصفوفكم كل خوان
بنت راشد الوايلية
____________
حنا الجيوش الصامدة لابدا شان
واللي يعادينا له الموت مضمون
نرخص انفوس/ ن ما نحسب لها أثمان
حنا الجسد وملوكنا رأس ومتون
عزيزة آل ثامر
____________
جيناك يالحوثي وداعش وطهران
جيش يدك الأرض والسيف مسنون
يخسى عــدو الله ويـــــذل ويهــان
ناطا على راسه ومن مثله يخــون
حنان آل فاضل