فاضت قريحة الشاعر محمد بن حامد بن نماء ولاء ووفاء لصاحب السمو الملكي الأمير محمد بن سلمان بن عبدالعزيز، ولي العهد نائب رئيس مجلس الوزراء وزير الدفاع.
وحملت القصيدة عنوان "صانع الأمجاد"، وجاءت كالآتي:
يا سيدي حلمي على الدنيا كبير
وانت الذي حلمي على راس إصبعك
إليا نوى راسك على اللي ما يصير
ما فيه حاجة بالبسيطة تمنعك
في رؤيتك حققت تطوير الكثير
يا صانع الأمجاد ما هي تصنعك
كل المعالي وسط رأيك تستدير
قطعت سيف الوقت قبله يقطعك
من كثر ما تطمح على صعب المسير
ما به طموح لا تحقق يقنعك
يا قاهر الإرهاب في وقت قصير
صفات جدك في سموك تجمعك
روح الشباب وهمومهم وسط الضمير
وآمالهم وأحلامهم هي مطمعك
من أجلهم تدعس على الدرب الخطير
ما فيه يوم تجلسه في موقعك
الصبح في دولة وفي حزة عصير
سيادتك في دولة أخرى تجمعك
انته ولد سلمان حلال العسير
أكبر دهاة أهل الرئاسة يتبعك
خليت عدوانك تصيح وتستجير
دحرتهم يا سيدي والله معك
انته حديث العصر بالسيف الشطير
ما أعظمك ما أخطرك ما أروعك
فيك القيادة سيدي يومك صغير
المجد مجدك والوفاء هو منبعك
وأنا ولدك اللي على شرا وخير
اللي إليا من قلت قولا يسمعك
والحلم والآمال شوفك يالأمير
وأعطيك حبة خشم وأصور معك