وفيما يلي أبيات القصيدة:
الموت حقٍ ماعن الموت مجناب...
ولو انها بالفدي ياسعود نفديك
يالفيصلي هذا العرب هم والاجناب...
الكل يشهد لك بطيبة مساعيك
وبالدبلوماسيه على كل الاقطاب...
نلت الفخر ياسعود محدٍ مباريك
شهدوا لك الاعدا جميعاً والاصحاب...
يبن الزعيم اللي على الجود غاذيك
اخلصت للامه بحلك للانشاب...
وبالراي والحكمه صعيبه مماشيك
ارهقت اعداكم وسريت الاقراب...
وفي حنكتك يالفيصلي من يجاريك
ياسعود يامن شلت لحمولٍ صعاب...
ياكثر من حزن لموتك ويرثيك
واليوم نرجي ربنا رب الارباب...
فالقبر تلقى النور من بين اياديك
ويوم البعث يمناك تاخذ بها كتاب...
ونطلب من الله داخل الخلد يعطيك
قصرٍ يسرك...عنك مجلا للاتعاب...
والحور فيه بكل لحظه تناجيك
عمير بن زبن بن عمير
