خالد الشاماني- سبق- المدينة المنورة: رثا الشاعر حمود الجابري زميله الشاعر المعروف عبدالله بن شايق القحطاني، في أبيات شعرية معبرة، خص بها "سبق"، وقال فيها:
غشاك الليل يالحزن العميق وباح خافيه
بكى حزن النهار ويا تواصيف المساء نالك
بكيتك وانكسر صدر القصيد وجر مرثية
رحمك الله يا ابن شايق عسى الفردوس مثوالك
فقدك الطيب وانكسرت حروف الشعر بيديه
وكسا حزن الفراق وضاقت حروفه على جالك
وقفت وموقفك وافي ليا من كبرت الهيه
عطيت الجود من جودك وطيب الجود يبقالك
تعليت المنابر بالوفاء والوقفة الحية
وسطع نجمك وعز اسمك فعول تنومس اعيالك
تركت السمعة العطرة على الطالات مبنية
بقى صيتك على الفرقا يروح يعزي أفعالك
رثاك الشعر وإحساس رثاه الحزن قافية
عسى قبرك رياضن خضر يسعد فيه منزالك
وكان الشاعر عبدالله بن شايق القحطاني قد تُوفي وثلاثة من أبناء عمومته في حادث مروري مساء أمس، بالقرب من مركز ظلم على طريق الطائف - الرياض.
